“Chi ci cunta lu vientu
all’arbuli quannu passa?”
t’addumanni.

“Chi ci cunta a li hiùri
lu laparduni quannu
ncapu si ci posa?”
t’addumanni.

“E l’unna di lu mari
chi ci dici a lu scuogliu
quannu furiusa ci sbatti?”
t’addumanni.

Ma t’addumannatu mai
chiddru ca diri ti vulissi
lu mà cori
quannu hianchiannu
vicinu mi passi?
No?
Ora ti lu dicu:
“Ah s’avissi trent’anni di menu
ti facissi trimari li rini”.

***

Ti chiedi

“Che racconta il vento
agli alberi quando passa?”
ti chiedi.

“Che racconta ai fiori
la libellula quando
su di loro si posa?”
ti chiedi.

“E l’onda del mare
che dice allo scoglio
quando furiosa si abbatte?”
ti chiedi.

Ma ti sei chiesto mai
quel che ti vorrebbe dire
il mio cuore
quando ancheggiando
accanto mi passi?
No?
Ora te lo dico:
“Oh se avessi trent’anni di meno
ti farei tremare le reni”.